魚衣魚衣紙上遊~*

1. 未到就成日諗住幾時到，到正日就差d唔記得...我對你唔住呀黑貓小朋友~生日快樂~>w<b

2. 自從candy媽媽同joyce姐姐離我地而去之後，收銀處就長期處於半真空狀態，我又要重返收銀大軍，今日仲做埋主收...之前放左兩日假，又去左一日書展，差不多成個星期無落過貨無理過個架喇...(還好由於lala 不停ge精神轟炸，d退貨算搞掂左...)終於今日有個小朋友出現左，全職收銀同事，好似幾好丫有人幫手，只不過前提係我地要教識左佢點收錢先...係呀，我今日做主收嘛，咁長駐收銀ge當然負責埋教個小朋友收錢啦。
受過我「指教」ge人都知，我一則講野跳黎跳去，二則講得又快又一舊舊，三則無耐性，教教下就會好激動，我諗呀小朋友上完一日速成班之後個腦應該塞到實晒，呵呵...咁佢唔快d學識，我就唔可以由得佢自己留守收銀處，咁就全日無得出去做其他野架喇喎，梗係有咁快得咁快迫佢學晒啦~(邪惡...)好在佢之前有係麥記做過，都算快上手ge，到下晝我就差不多可以完全由得佢自己黎lu~(當然我唔會去得太遠，都係要陪住佢啦，有d野唔撞過板真係學唔到架...笑)一邊講講講ge同時忽然好懷念之前跟住美子老大ge日子，我以前都係咁樣俾佢一手教出黎架...XDD

聽日又係一人中文部，希望唔好咁多人問野...(即係你想無生意餓死自己？XP) 同埋唔駛頂收銀...阿們~

3. 有時諗係咪自己有問題所以先會俾人無視，係咪人地重要d所以我好應該忍讓...對人好，講得難聽d，係想自己得人鍾意ge手段。不過幸福掌握係人地手上本來就容易落空，再者如果自己都唔珍惜自己，你割捨出黎ge屬於自己ge時間、精力、喜好...價值已經俾自己貶低左，人地唔珍惜，好似都無左立場去怪人。結論：我雖然自我中心，但係仲係唔夠愛自己。都係我唔好，唉。

p.s. 痛苦著並快樂著，就是如此。c'est la vie..