魚衣魚衣紙上遊~*

因為星期日檔案，「港女」這個好像被濫用到「不証自明」的貶義詞又出一次浮出水面…我和所謂港女除了都是「香港的女子」外，應該沾不上邊吧？不過大王盛意拳拳tag了呆貓，不如就效法大王為這些問題亂下些注腳~(應該說是不爽的吐嘈XDD)

遊戲規則：在說中了的句子前打叉，全卷完後計算港女指數…就這麼簡單。

+ 金錢名牌篇 +
[ ]人地唔送貴嘢等於冇誠意
(誠意還誠意，唔關價錢事。同埋，如果我無送咩好東西俾人的話，其實我好驚人地送貴野俾我，唔鍾意有所虧欠的感覺…)
[x]有時會將金錢花費於不必要物品（如可愛扭蛋、毛公仔）之上
(買扭蛋有乜問題？集郵、旅行夠係「花費於不必要物品之上」啦~我同意呢d係浪費行為，不過，「有時」之嘛，又唔係日日做=w=a)
[ ]買嘢最好男友俾錢，男友請食飯天經地義
(沒有事情係天經地義的。其實我唔鍾意成日被請客，但銀包經常只備少量現金又唔知人地幾多錢先收信用卡…以後記住帶多幾條紅衫魚出街。)
[ ]試過為幾十蚊，甚至兩三蚊而爭執
(咁少錢，我豪俾你又何妨？成千上萬就考慮費神爭執一下，哈~另，剛好隔離鄰居為左十蚊嗌大交~XDD)
[x]同樣價錢嘅手袋，只會揀名牌
(如果百零蚊都買到名牌，咁當然會買名牌啦，但菇池有無可能賣三舊水丫？有咁平的話買個玩玩又唔拘呀~=P)
[ ]一件普通衫著一兩次就唔要，名牌則相反
(「名牌則相反」姑且解釋為「名牌就會著n次，永遠唔會送去垃圾站」…其實只係鍾唔鍾意的問題，我有件衫著左五六年，街邊檔買ge一百蚊都唔駛~)
total: 2

+ 夢想篇 +
[ ]時常覺得街上有男人注視我
(你唔望人點知人望你？因為我唔會望人，所以我唔知有無人望我，就係咁~XDD)
[ ]覺得自己不乏追求者
(從來，係「從來」，無人追過我！反正我被所有男性無視就對了…=w=|||)
[ ]曾幻想自己貌似某明星
(我有一張大眾臉，個個都似，個個都唔似。幻想自己係明星有咩好處？)
[ ]喜歡閱讀愛情小說，並幻想自己是受萬千寵愛的女主角
(愛情小說有時都會睇，但萬千寵愛的女主角=被男性角色覬覦=受女性角色厭惡，咁危險ge事我係唔會做架…)
[x]不時幻想嫁個有錢人，唔使做有人養
(由於太懶，我成日「妄想」唔使做有人養。最好某人中六合彩變有錢人，咁就爽喇~XDD)
[ ]成日幻想同醫生或律師一齊
(宇宙間最悶+邪惡的組合…可免則免~)
total: 1

+ 外觀篇 +
[x]髮型以齊陰為主
(齊陰=港女？！因為整極都整唔到一條順眼的「界」，我由幼稚園到而家都有整齊的劉海，偶然中間分界，有咩問題？)
[ ]花很多時間及金錢於打扮，但效果不顯著
(明知效果不顯著還會做嗎？不會，因為我無論怎樣做效果也是不顯著呀~XDD 反正沒人會留意，乾淨整齊就好。)
[ ]全身上下起碼幾千
(身份証+回鄉証+公司門卡+八達通全數補領費用過千，好值錢。)
[ ]崇尚西方國家，唔係外國嘢唔買
(我想問：你呢，身上有邊樣野唔係made in china的呢？要過「沒有中國製造的一年」，好有深度啊~XDDD)
[ ]愛買化妝品，出街化濃妝
(我唯一會化妝的日子就係見工日，其餘日子會任由黑眼圈污染市容，多謝。)
[ ]覺得自己衣著一定好過大陸同胞
(美感呢樣野…好難講喎，我覺得大陸同胞衣著同香港人其實差唔多，但係氣質真係唔同…)
total: 1

+ 性格篇 +
[x]喜歡裝可愛
(我最鍾意做呢樣野~嘿嘿~圓面人最適合走可愛路線=P)
[ ]人地講咩都信，毫無判斷力
(我未到講咩都信的地步，但通常懶得破解，傾向半信半疑。傳說中港女唔係好精明的嗎？點會講咩都信？)
[x]我承認自己功利庸俗
(我唔算功利，不過活在這個「可愛」的城市中好難唔庸俗…如果庸俗=憂柴憂米的話。)
[ ]我貪慕虛榮
(我唔想出名，只想過安穩日子。)
[ ]我口頭話唔鍾意港男，實際上係因為溝唔到
(港男是哪種人？淨係識講車講女講打機個d叫港男的話，說不上鍾唔鍾意。另，我無溝過仔唔知溝唔溝到喎…)
[ ]我咩都要男人就哂我
(「咩都要就」呢樣確係好惡頂ge，人地都有阿爸阿媽愛錫的嘛…)
[ ]我覺得發姣可以吸引異性
(我覺得男仔鍾意識發姣ge女仔，因為男仔鍾意俾人嗲，問題只係呢d女生會吸引到邊一類異性…不過我又唔會發姣，唔算數=w=")
[ ]扮可愛，行為幼稚，如同小學生
(同第一項一樣？無理由double count的@@)
[ ]成日溝仔，人地唔受就扮可憐、扮失戀，甚至揚言要自殺
(用自己條命黎要脅人，最卑鄙…唉。)
[ ]自己永遠是對的
(任何事物都有機會出錯…)
total: 2

+ 生活篇 +
[ ]愛睇壹週忽週或MILK，對娛樂新聞比時事經濟更清楚掌握
(因為我唔想留意時事經濟，所以相較之下我對娛樂新聞係知得多d ge，不過我一向唔睇八卦雜誌…)
[ ]迷信星座，報紙只會睇每日星座運程
(每日星座運程係用在任何人身上都ok的哦~另，迷信星座同係報紙只睇星座欄有乜關係？迷信星座就唔俾睇港聞版？XP)
[ ]喜歡把自拍相放上網讓人瀏覽
(我好少自拍，相片放上網係用黎儲存備份，有無人睇唔係我關心的事情…)
[ ]成日上交友網或流連酒吧結識異性
(咁大個人去過酒吧一次咁大把…XDDD)
[ ]只行Shopping Mall，謝絕郊遊
(行街同行山我都鍾意去。郊遊唔好咩？怕曬黑？)
[ ]能夠運用感性的火星文字句
(我好討厭d火星文懶得意，「巧威威」？好似有語障咁睇到發火…=口=""")
[x]喜歡講是非或跟三五知己分享別人的軼事趣談
(呢個世界發生ge事大部份同人有關，唔講人，咪少左好多野講囉？)
[ ]鍾意Hello Kitty，並批評喜歡日本動漫的香港男性為毒男
(我唔覺得鍾意日本動漫=毒，而鍾意hello kitty同動漫有咩抵觸呢？hello kitty聲稱係英國貓，但係佢明明都係日本籍，仲要有動畫架！)
[ ]除咗開IE上網外對電腦不甚了解，唔識分256同512
(除左開著部電視睇「獎門人」外，你了解你部電視機嗎？二極管、plasma同lcd有咩關係？工具識用就得啦，唔係要d 專業人士黎做乜？另，256同512？嘿，ram呀？鬼知你個語境講緊乜…)
[ ]經常打人，男人還手就話蝦女仔
(而家好少打人嚕。俾人打到死死下唔還手唔係有風度，係懦弱，男仔都要保護自己呀。)
[ ]男女平等之餘，男人要講風度
(同樣待遇=平等的話，要求風度就係對人唔公平。不過，如果係平等機會的話，都可能可以講下風度ge…)
[x]男人少不免要擔擔抬抬
(無辦法，男仔天生體力好過女仔，我搬得郁就唔駛你幫手啦係咪？)
total: 2

+ 戀愛篇 +
[x]希望男朋友咩都識
(我希望架~咩都識，好勁~XDDD 但其實只要我唔識ge部份佢補足到就夠了。)
[ ]錯事責任歸咎於男友身上
(毫無反省能力…好自私啊。)
[ ]任何事亦以分手作要脅
(上得山多終遇虎。少少事唔如意就嗌分手，這樣的感情何其廉價…)
[ ]同男人一齊第一件事係幫佢「保管」存摺
(第一，而家好少人會用存摺；第二，呢種行為好乞人憎，你當男友係奴隸定提款機？=口=""")
[ ]試過飛咗男友後又搵返個人話自己寂寞，冇人理
(應該係有返三兩分姿色先可以用呢招黎收觀音兵，唔係d男人有無咁蠢俾你用黎攝時間？)
[ ]經常發脾氣
(經常被發脾氣…TwTa)
[ ]一日男友冇打電話黎，就覺得佢有外遇
(我好少講電話，因為我聽覺有問題，經常聽唔清楚魔王講野…如果msn唔見人會諗係咪發生左咩事故，唔明點解會諗到去外遇…)
[ ]網上分享和男友嘅嘢，冇啲私隱
(發放閃光彈=無私隱？已經有過濾過，無乜唔見得光的事吧…)
[ ]一邊話男友花心，一邊走去溝仔
(咁無良？@@ 不過我覺得被溝個d仔好抵死囉，個女仔係咩人有眼睇啦~)
[ ]唔比男友睇靚女，自己迷戀男明星
(靚女係要一齊睇的~靚仔靚女都好好睇啊~>w<bbb)
total: 1

total = 9 out of 50 = 18%

+ 感想 +
噢，我的港女指數竟然高過大王~XDD

我們所謂的「港女」=拜金+愛名牌+好打扮+刁蠻任性自私+幼稚+欺壓男性(哪些行為屬於欺壓是可斟酌的)+花心…

1. 有惡劣的性格者不論男女也會惹人嫌，而上述的惡劣性格不是香港女生的專利，只是人們習慣記住令自己有深刻印象的畫面而已。沒有和外地女生長期生活過，自然不容易察覺到那一面吧。

2. 拜金沒什麼不對，沒有偷，沒有搶，沒有違背良心，要怎麼做是閣下的事。人都是很懶惰的，能不上班當然想不上班啊~(爆)我倒想問問男生要求女生上班，同時一切家務責任落在女生身上，又作何感想？分工不均？XD

3. 我覺得最不可思議的是：男人會一邊大罵港女不是，一邊追求港女；非港女=不重外貌的醜女，鮮少有人問津…港男是不是自虐狂啊？

4. 不要什麼事都亂罵，請用道理來說服我。