魚衣魚衣紙上遊~*

醞釀很久的行動，在動盪的一天完成了。未開口，lala已跟我說：「你唔好嚇我呀...」貓說完以後她大概嚇呆了，反應比想像中冷靜，可能心裡有數吧。反正成功了一半，還有一半尚未了結，不過貓已經很安心了。

是日為大減價前夕，大家忙著整理場地，超混亂。晚飯後貓拿著一大堆《小王子》打算叫好年輕的姐妹小菌幫忙包好上架，跟她閒扯了幾句正想回對岸，經過大門時忽然一個黑色包包從天而降掉在花糟旁邊。果然是個弱點啊...貓拾起袋子返身進店，防盜響過不停，丟袋子的大叔轉身快步逃去。貓不敢在人煙稀少之地亂來，於是叫嘉敏同事幫忙查看，又向lala報告，但那大叔已逃之夭夭了。袋子裡有三本牛津字典外加一件西裝外套，我還在想那笨蛋賊會不會連銀包也放進去咧...有人目睹，當然報警了啦。聞說賊人已走，悠哉地上門調查的巡警先生在教導新同事工作規則，嗯...被發現貓是目擊者，於是生平第一次落口供。負責的cid阿sir很好笑啊...

+ 之一 +
阿sir：個賊大概幾歲左右呢？
呆貓：我諗四十零歲左右啦，阿叔黎ge...
阿sir：阿叔呀？(好似想像緊街邊d老人家)
呆貓：唔...又唔係ge...(苦思)我諗可能同你差唔多卦，再老d啦~
阿sir：係呀？不過我其實得三十幾歲架咋~(笑)
呆貓：下？ae...其實個個人老d架...
阿sir：哦我唔介意架喎~(笑)
呆貓：...=w=a

+ 之二 +
(記錄個人資料中)
阿sir：你讀書讀到咩程度啊？
呆貓：大學畢業。
阿sir：(吃驚狀+細細聲)大學生都入黎做sales？
呆貓：(爆笑，嚇親戴小姐，一齊細細聲)我地店長都係大學生啊...(剛巧lala飄走，不知聽到了沒...)
阿sir：(無言)...咁大學生都有好多工可以揀je...
呆貓：...=w=+

+ 之三 +
阿sir：個個人幾高度呀？
呆貓：我諗一七幾cm左右啦...
阿sir：有無我咁高？(起立)
呆貓：(起立目測)差唔多啦。
阿sir：哦~原來個賊係我黎ge~
呆貓：...=口="

落口供是什麼玩意兒？就是跟警察叔叔說事發經過，理清細節，然後等警察叔叔作文，完成後簽名...阿sir說他們常要作文呢，書不讀墨水不多又要作文很辛苦呢...(笑)不一定有什麼作用啦，總算見識過就是了。由是，我陪坐了一小時，回到店堂大家已整理得七七八八了，有賺？XDD 忙到十一點多就回家了，打仗第一天就放假，啦啦啦~